سلامة النخوه

سلامة التاريخ والمجد والطيب=فهد العرب من كل شرٍ ومكروه
سلامة النخوه فنار المواجيب=فهد الى ضاعو جميعٍ تقدوه
لاصاح صياح الفزع ما بها ريب =لا قام في مالٍ وخذ غضب ردوه
حلال معقود العقد رايه مصيب =رأيٍ يبونه بالسياسات واخطوه
بالهمه العليا مهد الاصاعيب=قاد العروبه للمعالي وطاعوه
طاعوه حكام العروبه على الغيب=يوم الصواب برايه العالم شافوه
ما يوقف الا وقفةٍ شرها هيب=يجزم الى شاف الرجاجيل هابوه
ولا يغلب إلا الرجال الغواليب= وسمه على كل السياسات خلوه
خلوه خوفٍ من حصان الاطاليب=شيخٍ جدوده لأرفع المجد نادوه
له منهجٍ يصعب على الناس وتعيب=ميراث حكام من قرون ورثوه
بالحق يشهد فوق روس المراقيب=هذا الذي خلا هل الحق حبوه
غر الوجيه اللي تطارد بها الشيب=الحب له في فرحة الوجه شبوه
وزفو مشاعرهم وراحت مناجيب=من قبل ياصل قمة طويق وصلوه