مجدك يافهدنا

المجد مجدك يافهد وانت راعيه = عشرين عامٍ بالعدل والمساواه
مثلك يا بو فيصل كبار ٍ حسانيه = يشهد بها ادنى شعبك الحر وأقصاه
ثوبٍ من الرحمه وساعٍ نواحيه = يضفي على اللي قاسي الوقت عراه
شرعٍ تقدّابه وحكمٍ تقدّيه = يبصر به اللي نون عينه فقد ماه
مجدٍ يشق آفاق عينٍ تراعيه = قلايعٍ ما غيرك احدٍ بتزهاه
حبك تسولف به نفوسٍ ربت فيه = إما لقاك الشعب بالحب تلقاه
المجد لك في كل حالٍ مشاهيه = يسوقه الرحمن والخلق تتلاه