المعالي

صابر ٍ وآتحرا من شهر في شهر=عل صبري على سود الليالي يفيد
الشقا يوم أفكر للمعالي مهر=كل ما زاد جور الوقت صبري يزيد
بين عيني وبين اليوم شوف النهر=واقع ٍ ما نشوفه برزخه من حديد
لأجل عز ٍ نرومه مرحبا بالقهر=ما خبر كل يوم ٍ فيه للحي عيد
في عيوني من الاحباب هم وسهر=ويصبح الصبح ما حصلت علم ٍ أكيد
ما تزين الفياض إلا بشوف الزهر=لكن الوقت ما جالي على ما نريد
قفر الايام من صدق النوايا دهر=وبنك الاخلاق كله للجمايل رصيد

شاعر آل سعود
الســـــــامر