الرموش اللي وقوف

خــلنـي بين الـرموش اللّي وقـــوف= تـحـت منثور الـشعر عنـد الجبين
لجل عينــك يا حــبيبي مــا تشــوف=غـيــر زولي كل وقت وكـل حين
إن بكيت أمسح دمــوعك بالكفـوف=عن خدودك من شمال ومـن يمين
جفّ تعبيري وضـاعـن الــحروف=ومـا لـقيــت إلاّ عــذابي والأنـين
في فــؤادي مثـل تخـفـيق الــدفوف= لا ضربها كــف مـفتون ٍ حــزين
لــفتني بالـصـدّ والــهــجران لـوف=يأس مــجروح اللــيالي والـسنين
عشت في حـبــك بحرمان ٍ وخوف=وحيرة العاشق عـلى وجهة تبين
في سراب وعود مرهون الظروف=كــيف يبري ظامي جرّ الونين؟!