صافي البها

هلت دموع العين وحده وثنتين=تبي تغسل الشوف عن شوف غيرك
سكنت يا صاف البها في حشا العين=أنسام روحي نفخةٍ من عبيرك
عقبك بعيني كل زين العرب شين=صدق الغلا كيف أطلبه واستشيرك
أبلغ وجوه الحب والعطف واللين=اشوفها يوم أزعلك وأستثيرك
نصبك ربي فوق عرش ٍ من الزين=ومن كبر حظي صرت أنا اللي عشيرك
في روض قلبي وردتين ٍ بغصنين=تظما وتشرب بالغلا من غديرك
حبك ملأ قلبي ورود ورياحين=انثر على بيض العواتق حريرك
خله يغطي مفرعك والحجاجين= تسرق عيوني نظرةٍ من نظيرك