يا وصي الكرامة
1427-04-11 09:02 مساءً
0
785
27087
فاتني منك وحده يالبعيد القريب
في حجاجك يضيع الراي والمستشار
رغبة الطيب دايم في عيونك تطيب
بس هالمرة اللي ضاع ماله خيار
من ورا نجع قومٍ بالهلال الخصيب
انتحى الشف وأبعد من ورا قندهار
لكل طيرٍ على ما قال الأول لعيب
وطير حظي لعيبه ولعوه الطيار
كل ما أذكرك أقول أمرٍ عجيب وغريب
يا وصي الكرامة قّلنا ويش صار
هاجسي فيك دايم حاضرٍ ما يغيب
متع الله عيونك بالقفر والحرار
