في ظل أبو فيصل

نشا السحاب وهل وبله على الدار= واصبح مروج أزهــار يـــومٍ وراء يوم
سبح رعد غر السحايب بالأمطار =ونبت الثـرا والقاع مخـــضر وماسوم
وتلونت روس الزماليق بأزهار= ورفـــرف لنــا عـــزٍ بـعـــيدٍ عن اللوم
وأهل الوطن في عز منقولة أخطار= والخير فــاض لكف سـايل ومــحروم
في ظل أبو فيصل ذرا الضيف والجار= الحــــق وافي مــا يجي منـــه مثلوم
شيخ الشيوخ اللي على الأمة إستار =الأمــــة اللـي تشــهد الحج والصوم
أمة محمد في بعيدات الأقطار= وحمايته عـدت على الفرس والروم
رأيه يقدي يا عرب كل محتار =إلــى تلـــوّت عــوج الأريا نمنجوم
لا ضاع شور اللي يقدون أشوار =شــوره يوردهم على الدرب ملزوم
فهد العدل ، فهد العرب ، واف الأشبار= مضرب مثل في حب حاكم لمحكوم
طول الليالي جعله ابخير ومجار فنار= عـــدل منــاصر ٍ كــــل مظلوم
العيد به عيدين والعيد لي دار= عليه يــــاجعـله من الشـــر معصوم
شيخٍ لشعبه بالغلا مصخي ٍ بار= يحــبه اللي مــــن عجا الديد مفطوم
حبٍ على وضح النقا ما بعد صار =إلا لبـــو فيــصل عســى عزه يدوم
حبٍ شهوده طاعةٍ تجلا الأمرار =دونه نبيع الـروح ونرّخص السوم
عيدٍ بعوده عاد للشعب بأسرار= وأفـــراح للي تنكر عيــــونه النوم