هذا قصيدي فيك - الغزل والوجدان

حبّك سكن في عين ما شافت إلاّ به=أهمس وأشوفك صوت همساتك أسمعها
عطني الغلا عطنيه أغليه وأشقى به= سعادتي في الحب وجروحي أجمعها
حبّك وطن والقلب مفتون بترابه= مشاعري والشوق كيف أقدر أمنعها
عظيم حبَّي كان رحّب وهلا به= وقَّفْ تشوف الشمس وردٍ بمطلعها
محبٍ وعمره زاد من شوفة أحبابه= وأهدي فيافي الروح للوصل يزرعها
يازينها وأن وقف شوقه وحيّابه= رغبة وحكي عيون وأسماعهم معها
هذا قصيدي فيك من حبّ غنّى به=وصَّلْ خيوط الوصل وإلاّ انَّكْ أقطعها
تسرف بصدّك ليه والنفس تحيا به=عشّاق مجد الحب والنظرة أرفعها
أجرح وأقول مباح جرحي وأنا أدرى به=لا تقهر الأشواق في دربها دعها