العام .. واليوم!! - الغزل والوجدان

يومك على حبي لك العام ولهان= لا قلت هذا الدرب ما أنت تعصاني
العام قلبي لك ربيعٍ وبستان=واليوم مالك في ربيعه مكاني
يا مجازيٍ خلٍ يودَّك بنكران=يمّكْ ترى داعي المفارق دعاني
ما عاد لك في مرتع الحب مسكان=حلّ بمحلّك من بغيت وبغاني
تابع هوى اللَّي مثل شرواك خسران= أهديك أنا وقتٍ بحبك عطاني
ياليت هاك الوقت بالحب ما كان= ويا ليتني طاوعت حيٍ نهاني
أرخصت حبّكْ من بلا بيع وأثمان=وأخذت من كف الليالي حناني
عوَّضنِيْ اللّه ناعم العود فتَّان=خلٍ هويته يوم قلبه هواني