للطير طبع - الغزل والوجدان
1427-04-11 01:04 مساءً
0
640
28570
 |  | |
يا طير كانك يوم صديت صايد= تراي سامح وأنت يا طير مسموح غلاك عندي لو تنكرت زايد= قربت وإلا بالغلا تبعد الشوح اللـــــي تنكر بالليال الشدايد=وقت الرخا ما من مصافاه مصلوح للطير طبع وللأوادم عــــوايد=وكلٍ على طبعه له الباب مفتوح إمـــــا غــــــدا ولا بقى له شرايد=وإلا يجي ما جاه بالدرب ساموح بعض الطيور أنكر ولا من بعايد=على الحمامة غيبة الشمس مطروح ترى الوفا والطيب والفعل كايد= ما هي على الفرغة سواليف ومزوح وأنــــا بحيل الله صدوق الوعايد= أصبر ولو قلبي معذب ومجروح لــــو رأس مال مدورين الفوايد=بقي لهم ما صار ناصح ومنصوح واللي بخيصٍ فـــي معان القصايد=لازم يعرف القصة اللي لهاروح | ||
 |  |
 |  | |
مجاراة لقصيدة للطير طبع | ||
 |  |
| | |
للصيد قائد ولهل الشعر قايد =مثلك يابو راشد تعليت في سفوح ياناضم إحساسك سواة القلايد=عساك تبطي حي ما تشكي جروح والطير لا منه تنكر عوايد =له عادة يستنكر الصوت واللوح كم واحدٍ فالصيد ما فاد فايد =وكم واحدٍ مثلك بنى عرش وصروح ومفارق الغالين لا شك كايد =وان طولت ضيقتك لا بدّها تروح ام نايف | ||
| |
