يلعب النسناس - الغزل والوجدان

يوم انطفا فيك وهج الزين وأسراره = تطلب غلاً قد رفضته ماض الأيامي
يوم أن قلبي بحبك تصطلي ناره = تشوف حالك عليّ وتحرق أحلامي
نوماس حبي بحبك زلت أوطاره = عيبٍ علي ألتفت والدرب قدامي
مانيب راغب مجيك لي ولا كاره = وأنا بك العام الأول كثرت أوهامي
أنا مع اللي مع الغالين مختاره = اللي له القلب من جور الغلا دامي
له مفرعٍ بالغلا لا شعت أنواره = نوره يقدي شعاعه لا كشف عامي
من دونه العين تاقف غصب محتاره = تضيع بين العيون وحسنه الزامي
ومذَهبٍ يلعب النسناس بوتاره = عليه قلبي مدى ما عشت أنا ظامي