• !

assamer

كلمة خفية - الغزل والوجدان

 0  227  22482
أحدْ يبني بدنياه ويهدَّي=بغيت أصبر ولكن باح سدَّي
عجايب هالزمان الله يكافي=طويلة مالها بالكون حدَّي
إلى بَرَّقتْ فيها ضاق صدري= وش آخذ ويش أخلَّي ويش أعدَّي
أنا في خاطري كلمة خفية= ابظهرها ولو ماهوب ودَّي
ولا أحد يستشك إنه هدفها= وانا ما قلتها قصدي تحدَّي
أحد يخطي وهو ماهوب يدري= يحسبه تايه الراي .. متقَّدي
وأحد ينطحك لاجاله بحاجه=ولا منّه قضاها عنك صدَّي
واحد يلعب على الحبلين دايم=ضعيفٍ لا يجيب ولا يودَّي
وناسٍ ما تفيد بها الجمايل=تراهم مابهم مخلوف كدَّي
وانا منهم بري والشاهدالله= وطرف العين فيهم ما يلدَّي
جليس السو ما هو صاحبٍ لي=أنا ضدَّه وهو خصمي وضدَّي
إلى جا .. قلت يقعد مثل غيره= والى أقفى قلت جعله مايردَّي
أنا ويّاه ما نصلح بديره=إلى منه نزل فيها نشدَّي
يدوَّرْ له من العربان مثله=على قدّه وأنا ماهوب قدَّي
إلى جاملت ولياها مصيبة= وإلى صرّحت قالوا مستبدَّي
ابصبر مثل صبر أيوب لكن=بطول الوقت ماني مستعدَّي
وعرف الطيبين أكبر تجاره=تراها كل يومٍ تستجدَّي
مشاهدهم على عز ومعزّة=تريح خاطرك وأنت متعدَّي
وجليس الخير يضحك له حجاجي= واعدّه مثل أخوي وصلب جدَّي
بواسطة : assamer
التعليقات ( 0 )
أكثر
جميع الأوقات بتوقيت جرينتش +3 ساعات. الوقت الآن هو 03:11 صباحاً الأحد 22 شوال 1446.