عز الكلام - الغزل والوجدان

كل حيٍ ترجا طول الأيام غايب=ينكسر في مطاريد الهوى والغرام
ميت الحب ما تركز عليه النصايب= وما بقى غير روحه والعصب والعظام
موتة الحي من بين الأهل والقرايب= أبشع الموت ما فيها جدال وخصام
كلما طاحت الأيام بأحلام شايب=ما تقول السنين المقفيه يا حرام
يأخذ الوقت عمره بالدقايق غصايب= فيه آهة محبة بس عز الكلام
المحبة لها شانٍ يسوق الركايب= سلطة الحب ما يقدر عليها الملام
المحبة حظوظٍ والسعادة وهايب= وميت القلب له عينٍ تشوف وتنام
قبل تقضى سنيني خاطري منك طايب= مات حبك وأنا حيٍ وأرد السلام