عذاب الآخرة - الغزل والوجدان

قبل يرتد البصر رد السلام= حن نفسك من عذاب الآخره
صمتك اللي فيه ما يحيا الكلام= لا متى وانته علينا ذاخره
لا يموت الحب من ظلم اللثام= ونظرتك لي بالعيون الساخره
كل حبٍ يا حبيبي له مقام= ومنزلة حبي وحبك فاخره
كان ما جت لي على أحسن ما يرام= وصارت أيامي بوصلك زاخره
قلت يا صبح السعد هاك الظلام= ما يضر البحر جرح الباخره
في هدير الموج للشاطيء ملام= والعتب نبضه بمده داخره
يا حلال الحب عن ذنب الحرام= للهوى سلطان ربي صاخره