أوسمة - الغزل والوجدان

ما تطلع الشمس وتغيب إلا ذكرت أيامنا=الله على ذكر المحب أيامه اللي رايحه
وذكرت يوم أنك تقول أفراحنا قدامنا= ورفعت رغبة عاشقٍ على طموحه طايحه
في مثل ذا اليوم الفضيل هاك السنة من عامنا= أول لقاء نمسح به دموع العيون الفايحه
وأول مكانٍ فيه شفنا بالعيون أحلامنا=مجدٍ لبسنا بالهوى كل أوسمة وشايحه
توقف وتأطأ من على رأس الملام أقدامنا= كله علشان الغلا تكبر بنا نصايحه
رغمٍ على اللي بالهوى يا أهل المحبة لامنا=ورغمٍ على اللي غيب قلبه بالنوايا بايحه
إنا رفعنا بالغلا فوق النجوم أعلامنا=والحب خذنا عن جميع اهل الهوى مدايحه
واليوم جفت عن ملام أهل الملام أقلامنا= هذي مفاتيح البكا لأهل العيون النايحه