شهامة ملام - الغزل والوجدان

ضيف العين شوفي لك يطيب المقام= بين جيدك وخدك للخلي الجريح
لأجلك العام الأول صرت أحب اللثام=حدر رمشٍ ظليل وفوق خدٍ مليح
قبل عينك تسلم بدني بالسلام= لا تخلي غلاها وأنت ساكت يصيح
في عيونك ولو تزعل شهامة ملام=والرضا كل ما حارب بها يستريح
أنت لولاك عندي رخص سعر الكلام=هرج غيرك مكسر وأنت هرجك فصيح
بين حد النهار وبين حد الظلام=احفر القبر وادفن به محبٍ ذبيح
من غلا غير عينك ما طلبت الغرام= قلبي بحب غيرك يا حبيبي شحيح