الشاعر / محمد بن حمد بن مصلح الحبابي ـ دبي

سـلام ياراسٍ تربى على الطـــــيب =الساس طيّـب والفعـــــايل كــــريمه
الجود طبعه والكـــرم والمـــواجيب =للضـــيف عنــده والمشــــفين قـيمه
به يفرحــون مدورين المعـــــازيب =وملجا لمن يشكي من الـوقت ظيمه
سعود راس المدح منصى المناديب =المـــــدح به يقــــــوى مبارم بريمه
من فوق وصفي ما بها شكٍ وريب =كل الوصـايف دون وصفه عديمه
زيارتي له عندي أغلى المكاسيـــب= وصله وشــوفه عندي أكبر غنيمه
ودعته الله عـالم الســـــر والغيــــب =فضــــايله دايم لعـــــبده عظـــــيمه
يحفــظ ســمو معلـم الطـيب بالطيب =ومعلم الشـــيمه على المجـــد شيمه

الشاعر / محمد بن حمد بن مصلح الحبابي
دولة الإمارات العربية المتحدة - دبي