مجروح الضمير - الغزل والوجدان

يا ملاك الروح لا لا ما يصير=خل نور الجيد ينعشني ضياه
لا تمد يديك للشعر الحرير= هز رأسك وارفعه يرجع وراه
الشعر وده على العاتق يطير=مثل شرطان الذهب واهج سناه
خل شلاله يداعبه العبير=ناعم النسمة تطيعه وتعصاه
يفضح الأسرار مختال النظير=ورمشك الفتاك يجرح كبرياه
بس من تعذيب مجروح الضمير=يكفي أنه بالهوى تاهت إخطاه
فيك انا ابحث يا حبيبي عن مصير=وأسعد العشاق من حصل هواه
تايه الآمال سيرها تسير=الله الله من خذا حبٍ عطاه