داعي الذكرى - الغزل والوجدان

في سيرتك قلبي وطيفك يجيبه= لي داعي الذكرى على مرّ ذكراك
يمكن يكون فراقك أكبر مصيبه=وظروفه أكبر من فراقي وفرقاك
ويمكن تكون أفكار ليلي غريبه=ويمكن تصبّحْنِيْ بشاير محيّاك
وإلاّ تكون جروح قلبي عطيبه=وتسمع نداه إلى تضايق وناداك
أخاف تأخذ جوهره وتعدي به=واليأس لا يأمرك عنَّيْ وينهاك
وعذول حبي لك عسى الله حسيبه= خلاّك تجفاني وأنا مثلك أجفاك
وأوّل جروحي في ضميري صعيبه=والثانية أضنت بها الروح يمناك
ومن آخر أيام الغلا شفت ريبه=وإلاّ فلا صدّقت هذا ولا ذاك