الليل روَّح - الغزل والوجدان

الليل روّح والدموع أربع أربع= يا للعجب منك وعليك أرجع أشكيك
يا ما عليك العين بالدمع تدمع= وياما تصنّعْت الرضا لجل أراضيك
ويا ما ترجيت الوصل وأنت تقطع=وخانتني عيوني إلي حلّ طاريك
قلها يكون اليأس لي منك مقْنع=تعبَتْ عيوني من رجاك وترجيك
باكر يقولون العرب شمس تطلع=ولك يتضح ما أخفوه ناسٍ حواليك
الشاهد الله فيك ما أوحي ولا أسمع=وما أطيع ناسٍ ياحبيبي حكوا فيك
غلاك عندي من غلا غيرك أرفع= وأبعد من انجوم السما كيف ما غليك!؟
والله مامن حكم الأقـــدار مجزع= لو راح عمري بين حيره وتشكيك
مالي بغيرك من هوى الغيد مطمع= ما شفت بالدنيا جميلٍ يحاليك