الرموش اللَّي وقوف - الغزل والوجدان

خلني بين الرموش اللَّي وقوف= تحت منثور الشعر فوق الجبين
لجل عينك يا حبيبي ما تشوف= غير زولي كل وقت وكل حين
إن بكيت أمسح دموعك بالكفوف=عن خدودك من شمال ومن يمين
جفّ تعبيري وضاعن الحروف=ومالقيت إلاّ عذابي والأنين
في فؤادي مثل تخفيق الدفوف=لاضربها كف مفتون حزين
لفتني بالصدّ والهجران لوف=يأس مجروح الليالي والسنين
عشت في حبك بحرمانٍ وخوف=وحيرة العاشق على وجهه تبين
في سراب وعود مرهون الظروف=كيف يبرى ظامي جرّ الونين؟!