إجماع- الغزل والوجدان

قل نشوفك لا توَدّعْنِيْ ولا=ليل عينك يفضحه صبح الدموع
في سماه الغيم غيَّم وانجلى=بين مسرى الرمش الأسود والرجوع
في عيوني بين خلَّي والملا=مثل ما بين المغيب من الطلوع
من خفوقٍ منزلك فيه العلا=الدقيقة كنَّها عنده أسبوع
كل ما قالت عيونك يا هلا=أفطرت للحب صايمه السموع
وفي خفوقي أنت والحب نزَل=والضلوع الحدب من دونك دروع
فيك ربي جامعٍ كل الحلا=وأجمعوا لك كل خلقه بالخضوع