هامة المجد - الغزل والوجدان

نرفع الروس ونطاول بها= هامة المجد واللي مستحيل
دارنــا فـــالضمايــر حبها= روح جيلٍ كبر وأهداه جيل
وحــــدوا دولةٍ نفخر بها=ما دخل في شريعتها عميل
دولةٍ كــــل ســـاير شعبها=دونها كنهم حد الصقيل
يـــــا حماة البلاد بحربها=بالسلاح المطور والثقـــيل
في جنوب الديار وغربها=جيشكم ما خبرنا له مثيل
أنتم أحفاد قـــومٍ ضربها=بان يوم المعارك بالفتيل
كل من رام نار وشبها=يحرقونه بصاليها المليل
ثــــــمٍ اتروح روحه تبها=والبراهين تعطيك الدليل
قوة الدار ما ننصب بها=يا عرب عند عابرة السبيل
المعــــــارك نجــــــود لـــــبها=لين نفرق خليلٍ عن خليل
قــــــوةٍ نفتخر في سربها= يوم حلق على القلب الغليل