الشاعر / ضيدان المريخي
1427-04-01 12:30 مساءً
0
526
32983
 |  | |
مشاعر.. محب..حاولت أن تكون شعراً تجاه سموكم الكريم ولأنك الكريم سوف تتجاوز تقصير المحب. | ||
 |  |
يا سيدي طابت لياليك بالخير
يوم ان حب الخير عندك جبله
وردتني يا سيدي جمة البير
وامطر سحابك مزنةٍ مستهله
قومتك تسوى يا سليل المشاهير
جودك ومعروفك تظللت ظله
يوم انها قدمي سراب ومعاصير
تلفتت عيني لدربٍ تدله
أنا المجرب يا زبون المخاسير
وأنا الذي شفت الكرم في محله
لا منها ضاقت علي المعابير
ما عندي إلا الله ثم انت استدله
أجيك لو همي كبر هضبة النير
واروح منك وخطوتي مسفهله
دوّرت لي يوم ٍ يجي منك تقصير
في ذمتي ما شفت هاليوم لله
فزعتك تشرح ضيقة الصدر يا مير
إلا بعد تروي ظماه وتعله
وانا بصدري لك عباره وتعبير
عندي عليها يا بو راشد أدله
الآدمي وليا بلته المقادير
ينصاك كان انه يبي برد غله
أي والله انت اللي تميز عن الغير
نجم ٍ تعديت النجوم المطله
دامك بخير اعرف ترى ربعك بخير
حيث ان كفك تبذل الخير كله
ضيدان المريخي
