الظنون

آه من حبك اللي في مهـب الظنون = كل ما قلت زان الجو ثوّر عجاج
بين روحي وبيني والنظر والعـيون= عرشك الصدر ولحافك سواد الحجاج
لـو منتب على ســر المحـبه تمـون =ما دخلت الفؤاد ولا سكنت المزاج
كل من قال أحبك قلت لـه من تكون= حب غيري ترى مالك بحبي خراج
وكل ما قلت يا شوق الغـلا ما تهـون = ضـج في جرحك اللي من زمان احتجـاج
وكل ما قلت لعـيون الــوفا تسـلمون = شفت في روح عينك للغرام ابتهاج
ظلم وجـدي حرام وظلـم حبي جنــون = في ظلام المحبه ساريٍ بالسراج
انتبه لا يموت الحب منك مغبون = انكسر من فراقك مثـل كسر الزجــاج