الشعب يدعي لك

يشفيك رب ٍ للمخاليق شافي =ربٍ لعسرات الشرابيك حلال
ابشر من الله ربنا بالعوافي =الشعب يدعي لك على راس ما طال
يا بو فهد قلبك من العدل صافي =والعرف والمعروف في كل الاحوال
اشعلت نور ٍللعرب كان طافي =حقايق ٍ يشهد بها كل رجال
واليوم شعبك ما عليهم خلافي =امن ٍ وامان وعز مع راحة البال
والأمة اللي جرحها كان خافي =داويت علاته بتدريب الابطال
على العقيدة سترك اليوم ضافي =يا معدل ٍ بالدين والشرع ما مال
شهدو عداك انك مع الحق وافي =يشهد بها الغاوي ويفخر بها الدال
نظرك قِدمك ما يعود خلافي =سور ٍ على البيتين بالجهد والمال.،.