حــــب شــعب

في مثل هذا اليوم الذي يمثل روح السلام في وطن مقدس، يوم جمع أطراف الوحدة والتوحيد وجسد معاني الأمن والرخاء، إنه يوم الوطن تحت ظل ملك الحزم وولي العهد وقلت:

وحدة التوحيد والدار في سلم وسلام=منهج ٍ بالحكم منقاد في يوم الوطن
انجلا عن دارنا حالك اطماع الظلام=واستقرت عقب ما هيب بيت ٍ للفتن
قادها معزي رخا عام مجد ٍ بعد عام=واستقامت بالعدل بعد ما طال الزمن
والسعد بالعدل والعز فوق الدار حام=وانطوى بالحكم شر المكايد والمحن
كل مسلم عارف ٍ بالحلال وبالحرام=وفتّح عيون ٍ عن الحق بالماضي عمن
وحد اطراف الوطن وانتهى كل الكلام=من جنوب الشام واقف على حد اليمن
واصبحت كل الجزيره على ماهو يرام=من دخل دار اخو نوره بامر ربي ومن
مملكتنا رفرفت فوقها خضر العلام=دونها فالكف سيف ٍ وفالآخر كفن
السعوديه ستر بيت ربي والمقام=كلنا خدام للبيت والعاهل ضمن
حب شعب ٍ قلده بالولاء عال الوسام=في بلاد ٍ ما لها لا مثيل ولا ثمن
أشرقت رؤية محمد بعز ٍ ما يضام=غارس ٍ عدة مشاريع مجد ٍ واثمرن

شاعر آل سعود الســــامر