سـمي الرســول

يا سمي الرسول ويا صدوق الوعايد=يا نجاة الغريق ومنتهى الطيب كله
بالفكر والسياسه والليال الشدايد=كل ما عقّدوا أمر ٍ بعزمك تحله
أنت للدار والله من كبار الفوايد=كل راي ٍ على نهج الشريعه تدله
أنت مجد العداله وأنت للمجد قايد=ظل مجدك يظلل والعرب تحت ظله
أنت شهم ٍ كريم ٍ وأنت بالفعل كايد=من تعدى حدود الشرع عدلك يذله
من تشوفه عن الدين الحنيفي يحايد=سيف عدلك على سود العمايم تسله
والله انك لمجد الدين والدار رايد=ماخذٍ من عظيم الحزم والعزم جله
أنت راس المكارم وأنت راع العوايد=وفقك واحدٍ نسجد جميعاً رضاً له

شاعر ال سعود_ السامر