طلق الحجاج

الشكر ما أوفى بعض الأوقات راعيه= وأدور اللي من ورى الشكر ما ألقاه
سلطان من يـقـدر يجاري حسـانيه = بالأوله والثــانيــه ما خـبرناه
والثـالـثة مجـد الـكـرم ملك أياديه = وللناس ما تفـضل من الطيب يمناه
غلـطـان ياللي في مجـاله تمـاريه = ما فيه احـد مثله ولا فيـه حـلياه
عن مــده حجاجه مـع الناس مغنيه =لاكن طـيبه مــيزةٍ من مــزياه
الطيب في سـلطان تـكـمل معـانيه = طلق الحـجـاج ومرهي المد والجاه
من خـلقته مـا خيب أمـال راجـيه = طـرح المـهاد وشـق طيبه محياه
لو تمـعن عيونك بطـلق النـظر فيه = تصـفى ويصـفا نورها لا عـدمناه
الطيب سـلـم في يمـينـه مـبـاديه =خـلاه مـا يبغى مـع النـاس سواه
ماهـوب هـذا رد طـيبٍ عـطـانيه = طيبه عـلى الأقـراب ماحيٍ أحصاه
وطيبه على القاصين من فـيه يحصيه = وقصيدتي من قـلب مخلص وتزهاه
قصيـدتي عـذرىً طـموحٍ تراعـيه = تلد بعـيـون الغــلا له وتـرعاه
تجـي تهـادا لي على ذكـر طـاريه = وتظما هوس من شان تارد على ماه
إمـن الغيا فيـها الدجـاره مـع التيه =معشوقـها سلطـان تحـيا بذكـراه
الشعــر فيه اليوم مـا يمـكن ادعيه = بيـني وبـيـنه دايـمٍ بـه مناجـاه