الاهداء لـ شاعر آل سعود .. الأمير الشاعر عبدالعزيز بن سعود بن محمد آل سعود

يا شاعر ال سعود وشلون بكتب

والشعر كله موطنه في يدينك

 

مهما كتبنا شعر احساسك اعذب

يا جعل تبطي بالليالي سنينك

 

نوصل لكبد الغيم ؟ والله نتعب

منهو يجاري ما تخطه يمينك

 

عن كل جيل الشعر لك انت مذهب

في موطنك في حكمتك في حنينك

 

للشعر عرضه وانت بالسيف تلعب

وان غبت كل الناس بتقول : وينك ؟

 

مثلك ترى مفقود يا ليت تقرب

تحيي دروب الشعر في اكسجينك

 

ما لي عن الابداع والشعر مهرَب

وحنا على جال النهر محترينك

 

يا منهل الابداع والروح تشرب

منك ارتوينا وكلنا كاسبينك

 

مْن اول شبابي بكل ما قلت مُعجب

والحين فرصة بوح بينك وبيني

 

عكست قاف الشعر واكسره واشطب

ما اقول قبل اسمك سوى اسم لضنينك

 

ماهو بخوف وهاجس احساس مُرعب

حُب بتواضع من سموك ولينك

 

يا سيدي تلميذك اليوم يكتب :

شكراً على شعرٍ تخطّه يمينك

 

والشعر دوله وانت للشعر مكسب

جالس على عرشه وباسط يدينك

 

أحمد بن عايد البلوي