انت الذي دولة عطا وسط دوله

يا بوي مجد الطيب كله بيمناك=كلٍ على روس المبادي يقوله
نشوفها في وجه هذا وهذاك=انت الذي دولة عطا وسط دوله
ماتحصي اقلام المؤرخ مزاياك=مجدٍ عروشه فوق ماحدٍ يطوله
انت الذي تثمر وتغني عطاياك=وانته بعد راس الوفا والرجوله
ياكثر ما تنفق على كل من جاك=لا نوخ المحتاج عندك ذلوله
الله خلق بيت الوفا في محياك=هذا الذي خلا اكثر الناس جوله
امفصل ربي على الكف مخباك=غيثٍ على الايدي تتابع نزوله
من دوّرك في ساعة الضيق يلقاك =يا بو هلا في كل الاحوال حوله
بالعدل والله ما تسوا سواياك=عقيدتك قول الإله ورسوله
بيضٍ على ما قدر الله نواياك =خذيت بالتوحيد والعلم جوله