شخصية العـــالم

المجد لك ما فيه شك ٍ ولا ريب=لك الجوايز كل ابوها بالإجماع
شخصية العالم بفعل المواجيب=يطيع وإلا عاصي الرب ما طاع
لا والذي يعلم خفا السر والغيب=انك توجهها برمعات الاصباع
ودانت لك ارقاب الرجال الغواليب=بسن الطفوله عند ترتيب الاوضاع
لك راي قد قاله فهد مصدر الطيب=فيك انت ظن معزي اليوم ما ضاع
يا موثق ٍ بالمجد خمس المقاضيب=الرأي لا منه غدا أنصاف وارباع
الرأي رايك يا حصان الأطاليب=شفناه شوف العين يا طايل الباع
تكتب مكاتيبٍ وتطوي مكاتيب=يندل فيها منك مخطين الاسناع
ترفع لك البيضا بروس المراقيب=ابعد سما فرقك عليهم من القاع
لولا جنابك حامي الدار ما هيب=وخلوه غصب اليوم عشاق الاطماع