"السامر"و غياهيب" لفتة ظبى

لفتة ظبي للشاعر السامر:

تلتفت لي بالغلا لفتة ظبي =قبل أرد الشوف ذير واستذار
ما حلا في قولها لي وش تبي =انتهى أعظم سؤالٍ باختصار
اصدقي والا على الحب أكذبي =في خدودك نور والا جمر نار
يا مهاتي ما يحقق مطلبي =غير شوفك بالنهار اللي جهار
واثقٍ بك من تقاليد عربي =بالصحاري من على وضح النهار
أنحر الدله على جمر احطبي =واتلفت في بهاء ذات الوقار
صافيٍ من فضل ربي مشربي =صيدتي من شارد الجل الخيار
ماليٍ من كل مجدٍ مقضبي =من مواكر روس قطاع الحرار

صاحب السمو الأمير عبدالعزيز بن سعود بن محمد آل سعود - السامر

رد غياهيب قد جاء من كلمات لم تقل أهمية ولا إبداعاً،

باختصارٍ حظ فاله هالظبي=ذيّره من نظرتك طلقة عيار
لي تصيبة ما يلاقي مهربي=كم في قتلاك من ذات الخِمار
نظرت فيها شعور المعجبي=في سؤاله بـا يغطي لنبهار
أن صدق بالقول ولا يلعبي=لفتته لك بالغلا تعني اختبار
يا مها السامر وفخر المنسبي=يا نسل مكتوم شيخة الافتخار
من جداول حبه الصافي اسكبي = كاس وده من محاسن الاختيار
احتمي بين الهدايب واختبي =بسّها الاشواق يكفيها انتظار
واسمعي نبض الخفوق وجاوبي = وانعمي بالحب لين الانصهار

شعر سمو الشيخة فاطمة بنت راشد بن سعيد آل مكتوم غياهيب