صـبر أيــوب

ان كان حبي لك تسميه عذروب=يا كثر حبي لك وكلي عذاريب
ان كان ذا من حسبة ارضاك محسوب=لو يخطي الغالي نقول انه مصيب
اخذتني بالحب عن كل رعبوب=غرام غيرك ما بقلبي له مجيب
انت الذي بالوصف ما فيك معيوب=فيك الحلا كامل وجذاب ومهيب
نظرة عيونك تودع القلب معطوب=والى ابتسمت بعالم اللهفه أغيب
العالم اللي غالبه منك مغلوب=ما بين ترغيب ٍ بقربك وترهيب
يا فاتني مالي على هجرك دروب=ومنك الرجا مالي بحبله مقاضيب
علمتني بمعاندك صبر أيوب=ليتك تعرف ان الغلا له مواجيب