• !

مشاعر السامر

عز الوفا

 0  0  19813

[عز الوفا]
عز الوفا لولاك يابـوي مـا طـال = ما أنت عن وجيه الركايـب تغيّـب
يافرحة المشفي على راحـة البـال = يطيب حظ الطيب مـا دمـت طيّـب
من جاك يشكي من ردا الحيل والحال = يلقاك يـا سعـود الشهامـه قريّـب
ما شفت كل الخلق راحـل ونـزال = شبو على طيـبٍ معـك مـا يشيّـب
لك وقفةٍ مثل الجدي مابهـا اشكـال = ما انت من الأمر العسيـر متريّـب
ترى الحظاظ اللي قبالك لهـم فـال = جانب مهيـب لـك وجانـب يهيّـب
ما بين هاك العود ومعـرب الخـال = جت بك مجاذيـبٍ أبـد مـا تخيّـب
مع طيب نفسك يجتمع طيب الأفعـال = يلوذبـك مقطـوع صيـبٍ وصيّـب
السين قبل العيـن والـواو والـدال = إسـمٍ حروفـه بالهجـا مـا تعيّـب



شعر : الأمير عبد العزيز بن سعود ـ السامر
بواسطة : مشاعر السامر
التعليقات ( 0 )
أكثر
جميع الأوقات بتوقيت جرينتش +3 ساعات. الوقت الآن هو 12:05 صباحاً الأحد 22 شوال 1446.