حمود الفهادي

يامير لا شفتك طرالي طاري= ذكرت ايام السنين السواري
ذكرت قرناس على الكف نادر=خطو اشقرٍ ريشه دقاق وعاري
ذكرت وقتٍ راح معاد يرجع = ما ضنتي يرجع ولاني داري
اليا لقيته يأبو راشد شريته= منت تحسب زايدات المصاري
وعطيته اللي وقفته معروفه= اللي جعل لطير علم وكاري
هذاك ابو خالد عليه الرحمه = اللي بوصفه دايمٍ نحتاري
عساه في الجنان يومه ميت= من عقب موته ضاعت الافكاري
عز الله انك كفو يابو راشد= محدٍ شرا مثلك ولاحدٍ شاري
اخير وازين طير في الجزيره= تاخذه مهو طيب والله جباري
لو كان بعض الناس اكثر ماده= لاشك عزمك يخلف التجاري
وانت تحب الطير وتهواه = وعندك معرفه تخلف الانظاري
قلت وانا مقصر في وصفك= وصفك علي اكبر من اللي صاري