الناس تدعي لك من القلب باحساس=طهور ما صابك والأيام أزمات
عليك من رب المخاليق حراس=بينك وبين عباد ربي مسافات
يابو المكارم كلها اليوم لا باس=امجار يا مذلل ثقيل الصعيبات
يا كاسب الطولات تدعي لك الناس=وابشر من الله بالعفو والسلامات
مثلك يا بو تركي قليل ٍ بالاجناس=من بين الأحياء بالشهامه والأموات
إلا فهد خذها حقايق من الراس=هذاك فرقه بان ما به امراوات
لا صاح صياحه والارياق يبّاس=علم ٍ عليه شهود مختوم باثبات
مواقفه ما هيب كتبٍ بقرطاس=وإلا على ما قال الأول دعايات
ينصاه من وضعه مع الخلق منحاس=يوم انه لمن ضامه الوقت منجات
فهد العرب اسمه مميز بالاقواس =كلٍ يبي مثله فلا شك هيهات
