مبايعــينك بالـولاء

المجد عرشه عالي ٍ واستوالك=جابوه عشاقه من الراس واهدوه
امبايعينك بالولا والوفالك=شفنا الصلاح اللي بك الناس شافوه
يا سيدي سلمان من حبنالك=صافي غلانا يا ابيض الوجه مدوه
الشعب بيعة دينهم كلهالك=حقق لهم رب الملا ما تمنوه
يالواصل اللي واصلاتٍ حبالك=مابه ولد ما شاف طيبك مع آبوه
الشعب كله بايعك بالولالك=حبٍ على غيرك مدى العمر ما اصخوه
إنا عيالك طيّب الله فالك=نرجي من الله ما يوريك مكروه
شعبك إلا ضاقت عليه المسالك=طيبك وجاهك فالبلد ما تعدوه
ما خاب من شد الرحال وعنالك=وما يلحقك في وقفة الطيب مشروه
بشاير الفرحه بهلة اهلالك=الأخو بشر بك من الفرحه أخوه
للعدل كل ٍ قال يا طيب فالك=هذا الذي في منهج الحكم راموه
مجد الولايه للحكم شوقهالك=قدام أقوله قبلي الناس قالوه
الكلمه اللي ودي أردهالك=حبك على الطاعه هل الدار ربوه
كنك على سبع الجزاير لحالك=أبوك حب الشعب قبلك وحبوه

ابنك المخلص عبدالعزيز بن سعود بن محمد آل سعود