العـــــزا لـك

العزا لك يا إمام المسلمين=ولأسرة آل سعود يا قيدومها
والعزا للمملكه في كل حين=وللعيون اللي جفاها نومها
نايف الله يرحمه دنيا ودين=صحوة الأفكار هو زيزومها
ما ذكرنا للعقل مثله ضمين=يجنّب النفس البريه لومها
منهجه منهج رياض الصالحين=عارفٍ أهل الفتن وعلومها
صد غارات الرفض والملحدين=وحية الإرهاب وسط كمومها
وغير دين الله بداره ما يبين=دعوة التوحيد شد عزومها
باذل ٍ جهدٍ قوي ٍ ما يلين=ناقل ٍ حمل العرب وهمومها
خلده في صفحة اللي خالدين=حبه لداره وحب سلومها
إرحمه يالله رب العالمين=العدا لطم الفعل بخشومها
للعقيده نايف الحكمه عوين=مغلي ٍ وسط المحافل سومها
ومن يحج البيت بالأمن الحصين=عاد سالم والسما بنجومها