أخــو فــهد

كان لقرار منع السينما من سمو النائب الثاني صاحب السمو الملكي الأمير نايف بن عبدالعزيز حفظه الله هاجس وطني في وجود آباء وأبناء هذا الوطن البررة الذين هم وقود ملحمة التلاحم السعودية ولأن هذا القرار مهم للغاية في وطننا المقدس جاء الشعر لتخليد هذا الموقف القيادي المتحرر من قيود التحضر والشعارات الملوثة .

قرار نايف مجدنا بالميادين=اثلج صدور الشعب في كل ميدان
نايف وريث امجاد مجد السلاطين=اللي على دين الشريعه لهم شان
أخو فهد مثله على العسر واللين=شيّد صروح المجد في دفتر انسان
الحكم راس ونايف اللي به العين=يشوف به من حكمة الرب عميان
السينما فتنه وبدعه على الدين=وإنّا هل التوحيد من ماض الأزمان
ترجح بنا كفة كفوف الموازين=منهج حكم حكامنا خمس الاركان
دون العقيده ننطح الشين بالشين=ونطوّع العاصي على سرج وحصان
من عدة قرون ٍ مع شهور وسنين=وإنّا لنصرة وحدة الدار عنوان
قول ٍ عليه شهود فعل وبراهين=ماني بصوّر شي للناس ما كان
ون ثوّر الدخان والناس ممسين=حنا لها ما بين راضي وزعلان